इन्द्रावतीमा करदाता सेवा मंसिर ४ गतेदेखि सुचारु हुने
सारांश
- इन्द्रावती गाउँपालिकामा करदाता सेवा आगामी मंसिर ४ गतेदेखि सुचारु हुने भएको छ।
- गाउँपालिका क्षेत्रभित्र करदाता सेवा विस्तार तथा व्यवस्थापन गर्ने उद्देश्यले इन्द्रावती गाउँपालिका र आन्तरिक राजस्व कार्यालय धुलिखेलबीच समझदारीपत्र (MOU) भएको छ।
- उक्त समझदारीअनुसार गाउँपालिकामा करदाता सेवासम्बन्धी कार्य सञ्चालन हुन लागेको हो।
सिन्धुपाल्चोक । इन्द्रावती गाउँपालिकामा करदाता सेवा आगामी मंसिर ४ गतेदेखि सुचारु हुने भएको छ।
गाउँपालिका क्षेत्रभित्र करदाता सेवा विस्तार तथा व्यवस्थापन गर्ने उद्देश्यले इन्द्रावती गाउँपालिका र आन्तरिक राजस्व कार्यालय धुलिखेलबीच समझदारीपत्र (MOU) भएको छ। उक्त समझदारीअनुसार गाउँपालिकामा करदाता सेवासम्बन्धी कार्य सञ्चालन हुन लागेको हो।
गाउँपालिकाले २०८३ कात्तिक २ गते एक सूचना जारी गर्दै आन्तरिक राजस्व कार्यालय धुलिखेलसँग भएको समझदारीअनुसार मंसिर ४ गतेदेखि सेवा सुचारु हुने जानकारी गराएको छ।
गाउँपालिकाभित्रै करदाता सेवा उपलब्ध हुने भएपछि यस क्षेत्रका सेवाग्राहीलाई करसम्बन्धी सेवा लिन सहज हुने अपेक्षा गरिएको छ। यसअघि सम्बन्धित सेवा लिन अन्यत्र जानुपर्ने सेवाग्राहीलाई गाउँपालिकाबाटै सेवा उपलब्ध हुने व्यवस्था भएपछि समय र आवतजावतमा सहजता पुग्ने विश्वास गरिएको छ।
गाउँपालिकाले सेवा सुचारु हुने सम्बन्धमा सम्पूर्ण सरोकारवालालाई जानकारी गराउँदै आवश्यक जानकारी लिनसमेत अनुरोध गरेको छ।

प्रतिक्रिया