snamai single page

एमालेको राष्ट्रिय भेलामा ओलीदेखि विद्यादेवी भण्डारीसम्मले सम्बोधन गर्ने

डिजिटल चौतारी डिजिटल चौतारी
|
सोमबार, कार्तिक ३०, २०८३
|
|
६.५K पटक हेरिएको
Shares
एमालेको राष्ट्रिय भेलामा ओलीदेखि विद्यादेवी भण्डारीसम्मले सम्बोधन गर्ने

सारांश

  • नेकपा एमालेको राष्ट्रिय भेलामा केन्द्रीय नेतृत्वदेखि स्थानीय तहका नेता तथा जनप्रतिनिधिसम्म गरी ३ हजार ४१४ जनाको सहभागिता रहने भएको छ।
  • आगामी स्थानीय तह निर्वाचनको तयारीलाई केन्द्रमा राखेर आयोजना गर्न लागिएको भेलामा पार्टीका विभिन्न तहका नेता तथा जनप्रतिनिधि सहभागी हुने भएका हुन्।
  • पार्टीको केन्द्रीय कार्यालय च्यासलमा आयोजित पत्रकार सम्मेलनमा प्रचार विभाग प्रमुख नीरज आचार्यले भेलाको मुख्य उद्देश्य आगामी स्थानीय निर्वाचनको व्यवस्थित तयारी गर्नु रहेको जानकारी दिए।

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि स्थानीय तहका नेता तथा जनप्रतिनिधिसम्म गरी ३ हजार ४१४ जनाको सहभागिता रहने भएको छ। आगामी स्थानीय तह निर्वाचनको तयारीलाई केन्द्रमा राखेर आयोजना गर्न लागिएको भेलामा पार्टीका विभिन्न तहका नेता तथा जनप्रतिनिधि सहभागी हुने भएका हुन्।

पार्टीको केन्द्रीय कार्यालय च्यासलमा आयोजित पत्रकार सम्मेलनमा प्रचार विभाग प्रमुख नीरज आचार्यले भेलाको मुख्य उद्देश्य आगामी स्थानीय निर्वाचनको व्यवस्थित तयारी गर्नु रहेको जानकारी दिए।

उनका अनुसार निर्वाचनको पूर्वतयारीलाई प्रभावकारी बनाउने, पार्टीका निर्णय, राजनीतिक बुझाइ र दृष्टिकोणमा एकरूपता कायम गर्ने तथा वैचारिक र सङ्गठनात्मक एकतालाई थप सुदृढ बनाउने भेलाको लक्ष्य छ। साथै, मुलुकमा पछिल्लो समय देखिएको कुशासन र निराशालाई चिर्दै नयाँ आशा र ऊर्जा सञ्चार गर्ने उद्देश्यसमेत भेलाले राखेको छ।

भेलामा पार्टीबाट निर्वाचित जनप्रतिनिधिसहित कुल ३ हजार ४१४ जनाको सहभागिता रहने आचार्यले बताए।

भेलामा पार्टी अध्यक्ष केपी शर्मा ओलीले मुलुकको वर्तमान राजनीतिक अवस्थाको विश्लेषण, पार्टीको दृष्टिकोण र आगामी कार्यदिशाबारे सम्बोधन गर्ने कार्यक्रम तय भएको छ। उनले पार्टीका ‘दुई प्रमुख कार्यभार र गर्नुपर्ने १५ काम’ सहितको वैचारिक तथा राजनीतिक मार्गदर्शन प्रस्तुत गर्नेछन्।

त्यस्तै, पार्टीकी वरिष्ठ नेता एवं पूर्वराष्ट्रपति विद्यादेवी भण्डारीले समसामयिक राजनीतिक विषय र पार्टीको कार्यभारबारे विशेष सम्बोधन गर्नेछिन्। भेलामा मुलुकको वर्तमान परिस्थिति र पार्टीको भावी कार्यदिशासम्बन्धी महत्त्वपूर्ण कार्यपत्रसमेत प्रस्तुत गरिनेछ।

कार्यक्रममा उपाध्यक्ष रामबहादुर थापाले संसदीय सङ्घर्षसम्बन्धी अभिभाराबारे, अर्का उपाध्यक्ष विष्णुप्रसाद पौडेलले एमाले सरकारमा रहँदा भएका महत्त्वपूर्ण काम तथा उपलब्धिहरूको समीक्षाबारे र महासचिव शङ्कर पोखरेलले पार्टी शुद्धीकरण, सुदृढीकरण तथा स्थानीय निर्वाचन कार्ययोजनासम्बन्धी कार्यपत्र प्रस्तुत गर्ने कार्यक्रम छ।

राष्ट्रिय भेलामा सहभागी सबैलाई अनिवार्य रूपमा स्थानीय निर्वाचन केन्द्रित सुझाव लिखित रूपमा पेस गर्न आग्रह गरिएको आचार्यले बताए।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
डिजिटल चौतारी
डिजिटल चौतारी
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

स्थानीय तहसँग उद्योग, वाणिज्य तथा उपभोक्ता सचेतना सम्बन्धी अन्तरक्रिया कार्यक्रम इन्द्रावतीमा सम्पन्न
स्थानीय तहसँग उद्योग, वाणिज्य तथा उपभोक्ता सचेतना सम्बन्धी अन्तरक्रिया कार्यक्रम इन्द्रावतीमा सम्पन्न
अक्षर र कक्षाकोठाभन्दा माथि उठेर मानवीय सेवा: प्रगति अंग्रेजी माध्यमिक विद्यालयको पहलमा रसुवाका बाढीपीडितलाई १.९१ लाख सहयोग
अक्षर र कक्षाकोठाभन्दा माथि उठेर मानवीय सेवा: प्रगति अंग्रेजी माध्यमिक विद्यालयको पहलमा रसुवाका बाढीपीडितलाई १.९१ लाख सहयोग
इन्द्रावती–५ मा महिलालाई  साडी वितरण हुँदै
इन्द्रावती–५ मा महिलालाई साडी वितरण हुँदै
महालक्ष्मी विकास बैंकद्वारा अन्तरदेशीय क्यूआर भुक्तानी सेवाको सुरुवात
महालक्ष्मी विकास बैंकद्वारा अन्तरदेशीय क्यूआर भुक्तानी सेवाको सुरुवात
भदौमा वाणिज्य बैंकको ब्याजदर थप घट्यो, कुन बैंकले कति दिँदैछन् ?
भदौमा वाणिज्य बैंकको ब्याजदर थप घट्यो, कुन बैंकले कति दिँदैछन् ?
जुगलका तरुणलाई अधिवेशनमा सक्रिय सहभागिताका लागि सागर तामाङको अपिल
जुगलका तरुणलाई अधिवेशनमा सक्रिय सहभागिताका लागि सागर तामाङको अपिल
भूकम्पको झट्कापछि अन्नपूर्णमा पर्यटकको कीर्तिमान
भूकम्पको झट्कापछि अन्नपूर्णमा पर्यटकको कीर्तिमान
इभीको लहरले जन्मायो नयाँ व्यवसाय, चार्जिङ स्टेसनमा लगानी बढ्दै
इभीको लहरले जन्मायो नयाँ व्यवसाय, चार्जिङ स्टेसनमा लगानी बढ्दै
आँखाको स्वास्थ्यका लागि नियमित परीक्षण आवश्यक
आँखाको स्वास्थ्यका लागि नियमित परीक्षण आवश्यक
सर्वोच्चले तोकेन संसद् पुनर्स्थापना मुद्दामा पेशी
सर्वोच्चले तोकेन संसद् पुनर्स्थापना मुद्दामा पेशी

तपाईंले छुटाउनुभयो कि?