छठ पर्वमा पनि खुला रहने राहदानी विभाग, बिहान ९ देखि सेवा
डिजिटल चौतारी
Shares
सारांश
- छठ पर्वको अवसरमा सार्वजनिक बिदा भए पनि राहदानी विभाग खुला रहने भएको छ।
- सेवाग्राहीको सुविधालाई ध्यानमा राख्दै विभागले सोमबार (कात्तिक ३० गते) पनि नियमित सेवा सञ्चालन गर्ने निर्णय गरेको हो।
- राहदानी विभागका महानिर्देशक दीपक विश्वकर्माले छठ पर्वका दिन पनि सेवाग्राहीलाई नियमित रूपमा राहदानीसम्बन्धी सेवा प्रदान गरिने जानकारी दिनुभयो।
काठमाडौं । छठ पर्वको अवसरमा सार्वजनिक बिदा भए पनि राहदानी विभाग खुला रहने भएको छ। सेवाग्राहीको सुविधालाई ध्यानमा राख्दै विभागले सोमबार (कात्तिक ३० गते) पनि नियमित सेवा सञ्चालन गर्ने निर्णय गरेको हो।
राहदानी विभागका महानिर्देशक दीपक विश्वकर्माले छठ पर्वका दिन पनि सेवाग्राहीलाई नियमित रूपमा राहदानीसम्बन्धी सेवा प्रदान गरिने जानकारी दिनुभयो।
उहाँका अनुसार विभागले अन्य नियमित कार्यदिनमा जस्तै बिहान ९ बजेदेखि अपराह्न ४ बजेसम्म सेवा सञ्चालन गर्नेछ।
सार्वजनिक बिदाका कारण राहदानी सेवा लिन सेवाग्राहीलाई असुविधा नहोस् भन्ने उद्देश्यले पर्वका दिन पनि विभाग खुला राख्ने व्यवस्था गरिएको महानिर्देशक विश्वकर्माले बताउनुभयो।
यद्यपि, छठ पर्व मनाउने विभागका कर्मचारीहरूलाई भने सोमबार बिदा दिइएको छ।
कुल कमेन्ट:
0
डिजिटल चौतारी
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया