१७ चिकित्सकको दर्ता खारेज, विदेशी नागरिकता लिएको पुष्टि
सारांश
- नेपाल मेडिकल काउन्सिलले १७ जना चिकित्सकको दर्ता खारेज गरेको छ।
- नेपाली नागरिकता परित्याग गरी विभिन्न मुलुकको नागरिकता तथा राहदानी लिएको पुष्टि भएपछि उनीहरूको नाम काउन्सिलको दर्ता किताबबाट हटाइएको हो।
- काउन्सिलले शुक्रबार सार्वजनिक सूचना जारी गर्दै नेपाल मेडिकल काउन्सिल ऐन २०२०, नियमावली २०२४ तथा नेपाल नागरिकता ऐन २०६३ बमोजिम उक्त निर्णय गरिएको जनाएको छ।
काठमाडौँ । नेपाल मेडिकल काउन्सिलले १७ जना चिकित्सकको दर्ता खारेज गरेको छ। नेपाली नागरिकता परित्याग गरी विभिन्न मुलुकको नागरिकता तथा राहदानी लिएको पुष्टि भएपछि उनीहरूको नाम काउन्सिलको दर्ता किताबबाट हटाइएको हो।
काउन्सिलले शुक्रबार सार्वजनिक सूचना जारी गर्दै नेपाल मेडिकल काउन्सिल ऐन २०२०, नियमावली २०२४ तथा नेपाल नागरिकता ऐन २०६३ बमोजिम उक्त निर्णय गरिएको जनाएको छ। काउन्सिलका अनुसार निर्णय सूचना प्रकाशित भएकै मितिदेखि लागू भइसकेको छ।
दर्ता खारेज गरिएका चिकित्सकहरूले बेलायत, अमेरिका, अष्ट्रेलिया, क्यानडा, हङकङ, पोर्चुगल र भारतको नागरिकता लिएको पाइएको छ।
खारेज सूचीमा डा. शर्मिला गुरुङ, डा. रोशन भुषाल, डा. मोति गुरुङ, डा. देवराज रेग्मी, डा. मेरिना गुरुङ, डा. निरन्जन देव पाण्डे, डा. रोशन केसी, डा. ममता गुरुङ, डा. राजिव हमाल र डा. सलुजा सिंह थारू रहेका छन्।
त्यसैगरी डा. सुजना के.सी., डा. जोस्ना शाही, डा. मनिषा हमाल, डा. सुप्रिया शाक्य, डा. इच्छा न्यौपाने, डा. दिपेन ढकाल र डा. तुषार सरवजनाको नाम पनि दर्ता खारेज गरिएको काउन्सिलले जनाएको छ।
काउन्सिलका अनुसार नेपाली नागरिकका रूपमा दर्ता भएका चिकित्सकले विदेशी नागरिकता लिएपछि नेपालको कानुनअनुसार उनीहरूको पुरानो दर्ता स्वतः अवैध हुने व्यवस्था छ।
प्रतिक्रिया