एनएसजेएफ पल्सर स्पोर्टस् अवार्ड: एरिकाको ऐतिहासिक ‘ह्याट्रिक’, पुरुषतर्फ चन्द्र सर्वोत्कृष्ट
सारांश
- नेपाल खेलकुद पत्रकार मञ्च (एनएसजेएफ) ले आयोजना गरेको ‘पल्सर स्पोर्टस् अवार्ड २०८२’ मा करातेकी एरिका गुरुङ र चन्द्रबहादुर थापा वर्षका उत्कृष्ट खेलाडी घोषित भएका छन्।
- काठमाडौँमा बिहीबार आयोजित विशेष समारोहका बीच २०८२ सालको उत्कृष्ट प्रदर्शनका आधारमा दुवैलाई वर्ष पुरुष तथा महिला खेलाडीको उपाधि प्रदान गरिएको हो।
- करातेकी एरिका गुरुङले लगातार तेस्रो पटक वर्ष महिला खेलाडीको अवार्ड जित्दै ऐतिहासिक ‘ह्याट्रिक’ पूरा गरेकी छन्।
नेपाल खेलकुद पत्रकार मञ्च (एनएसजेएफ) ले आयोजना गरेको ‘पल्सर स्पोर्टस् अवार्ड २०८२’ मा करातेकी एरिका गुरुङ र चन्द्रबहादुर थापा वर्षका उत्कृष्ट खेलाडी घोषित भएका छन्। काठमाडौँमा बिहीबार आयोजित विशेष समारोहका बीच २०८२ सालको उत्कृष्ट प्रदर्शनका आधारमा दुवैलाई वर्ष पुरुष तथा महिला खेलाडीको उपाधि प्रदान गरिएको हो।
करातेकी एरिका गुरुङले लगातार तेस्रो पटक वर्ष महिला खेलाडीको अवार्ड जित्दै ऐतिहासिक ‘ह्याट्रिक’ पूरा गरेकी छन्। पल्सर स्पोर्टस् अवार्डको इतिहासमा महिलातर्फ यो सफलता हासिल गर्ने उनी पहिलो खेलाडी बनेकी हुन्। वर्षभरि अन्तर्राष्ट्रिय प्रतियोगिताहरूमा देखाएको निरन्तर उत्कृष्ट प्रदर्शनका कारण उनी विजेता चुनिएकी हुन्।
एनएसजेएफ पल्सर स्पोर्टस् अवार्ड २०८२ का विजेताहरू:
वर्ष पुरुष खेलाडी: चन्द्रबहादुर थापा
वर्ष महिला खेलाडी: एरिका गुरुङ (कराते) — लगातार तेस्रो पटक (ह्याट्रिक)
पिपुल्स च्वाइस अवार्ड: मिना सुनार (भलिबल) — २९.०४% मत प्राप्त
वर्ष उत्कृष्ट प्रशिक्षक: कुशल श्रेष्ठ (कराते)
वर्ष युवा खेलाडी: मनिषा बोहोरा (कराते)
पारा एथलिट अफ द इयर: सुष्मा तामाङ (दृष्टिविहीन क्रिकेट)
स्पेशल अवार्ड: ध्रुव विक्रम मल्ल (कराते प्रशिक्षक)
लाइफ टाइम अचिभमेन्ट अवार्ड: कुमार मोहन बहादुर शाही (पूर्व ब्याडमिन्टन तथा टेनिस खेलाडी)
एसियन स्पोर्टस् जर्नालिस्ट अवार्ड: सभानायकन (भारत)
वर्ष महिला खेलाडी बनेकी एरिकाले मोरक्कोमा आयोजित कराते वान प्रिमियर लिगमा कास्य, टर्की र चीनमा भएका डब्लूकेएफ प्रिमियर लिगमा रजत, तथा मलेसियाको डब्लूकेएफ सिरिज र थाइल्यान्ड ओपनमा स्वर्ण पदक जितेकी थिइन्। उनलाई पछि पार्दै विधाको मनोनयनमा सानुमाया थिङ, सविना श्रेष्ठ, सन्तोषी श्रेष्ठ र सावित्रा भण्डारी परेका थिए।
यस्तै, सर्वाधिक समर्थकको भोटबाट छनोट हुने ‘पिपुल्स च्वाइस अवार्ड’ भलिबलकी मिना सुनारले २४.५३ प्रतिशत मत ल्याएका मिक्स मार्सल आर्टस्का रविन्द्र ढाँटलाई पछि पार्दै हात पारिन्।
वर्षको उत्कृष्ट प्रशिक्षक बनेका कुशल श्रेष्ठको प्रशिक्षणमा एरिका गुरुङ, मनिषा बोहोरा, रेहान जाबेद, सविना श्रेष्ठ र पुष्पकला लामाले अन्तर्राष्ट्रिय मञ्चमा नेपालका लागि ऐतिहासिक पदकहरू दिलाएका थिए।
नेपाली खेलकुद क्षेत्रमा लामो समय योगदान पुर्याएका ८३ वर्षीय पूर्व ब्याडमिन्टन तथा टेनिस खेलाडी कुमार मोहन बहादुर शाहीलाई मञ्चले यस वर्षको लाइफ टाइम अचिभमेन्ट अवार्डबाट सम्मानित गरेको छ।
प्रतिक्रिया