राजनीति

दुर्गाबहादुर तामाङद्वारा महाधिवेशन प्रतिनिधिमा उम्मेदवारी घोषणा

digitalchautari

आइतबार, आश्विन ११, २०८३

१.२K पटक हेरिएको

दुर्गाबहादुर तामाङद्वारा महाधिवेशन प्रतिनिधिमा उम्मेदवारी घोषणा

digitalchautari

नेपाली कांग्रेसको १५औँ महाधिवेशनअन्तर्गत सिन्धुपाल्चोक प्रतिनिधिसभा निर्वाचन क्षेत्र नं.
२ बाट दुर्गाबहादुर तामाङ (च्याङ्वा) ले केन्द्रीय महाधिवेशन प्रतिनिधि (समावेशीतर्फ) पदमा उम्मेदवारी घोषणा गरेका छन्।
इन्द्रावती गाउँपालिका–५ का पूर्ववडा अध्यक्षसमेत रहेका तामाङले कांग्रेस संगठनलाई थप समावेशी, लोकतान्त्रिक र जनमुखी बनाउने प्रतिबद्धतासहित उम्मेदवारी दिएको बताएका छन्।

सिन्धुपाल्चोक । नेपाली कांग्रेसको १५औँ महाधिवेशनअन्तर्गत सिन्धुपाल्चोक प्रतिनिधिसभा निर्वाचन क्षेत्र नं. २ बाट दुर्गाबहादुर तामाङ (च्याङ्वा) ले केन्द्रीय महाधिवेशन प्रतिनिधि (समावेशीतर्फ) पदमा उम्मेदवारी घोषणा गरेका छन्।
इन्द्रावती गाउँपालिका–५ का पूर्ववडा अध्यक्षसमेत रहेका तामाङले कांग्रेस संगठनलाई थप समावेशी, लोकतान्त्रिक र जनमुखी बनाउने प्रतिबद्धतासहित उम्मेदवारी दिएको बताएका छन्।
उनले संगठन सुदृढीकरण, लोकतान्त्रिक मूल्य–मान्यताको रक्षा तथा समावेशी लोकतन्त्रको आधार निर्माणलाई आफ्नो मुख्य प्राथमिकता बनाएको उल्लेख गरेका छन्।
तामाङले क्षेत्र नं. २ अन्तर्गतका ४९ वटै वडाका वडा सभापति, क्षेत्रीय प्रतिनिधि, अग्रज नेतागण तथा पार्टीका शुभेच्छुकहरूसँग सहयोग र समर्थनका लागि अपिल गरेका छन्। उनले आफूलाई अमूल्य मत प्रदान गरी विजयी गराउन आग्रहसमेत गरेका छन्।