बालेन पत्नी सबिनाद्वारा नारायणचौरमा कुकुर तिहार विशेष कार्यक्रम आयोजना

काठमाडौं । प्रधानमन्त्री वालेन्द्र शाह (बालेन) की पत्नी सबिना काफ्लेले कुकुर तिहारको अवसरमा आइतबार काठमाडौंको नक्सालस्थित नारायणचौरमा विशेष कार्यक्रम आयोजना गरेकी छन्।

नेपाली संस्कृतिमा कुकुरलाई निष्ठा, इमानदारी, साथ र साहसको प्रतीकका रूपमा सम्मान गर्ने परम्परालाई प्रवर्द्धन गर्नुका साथै कुकुर तिहारको सांस्कृतिक महत्त्व अन्तर्राष्ट्रिय समुदायसम्म पुर्‍याउने उद्देश्यले कार्यक्रम आयोजना गरिएको हो।

कार्यक्रममा विभिन्न मन्त्री, विदेशी कूटनीतिज्ञ, कलाकार तथा अन्य विशिष्ट व्यक्तित्वहरूको उपस्थिति रहेको थियो। कार्यक्रममा सहभागीहरूले कुकुरलाई टीका र माला लगाएर पूजा गरेका थिए।

कुकुरप्रति प्रेम, सद्भाव र सम्मान प्रकट गर्दै उनीहरूको संरक्षण तथा पशुप्रति मानवीय व्यवहार गर्नुपर्ने सन्देशसमेत कार्यक्रममार्फत दिइएको थियो।

नेपाली मौलिक संस्कृति र परम्परालाई अन्तर्राष्ट्रियस्तरमा चिनाउने उद्देश्यले आयोजना गरिएको कार्यक्रममा कुकुर तिहारको धार्मिक, सांस्कृतिक तथा सामाजिक महत्त्वलाई उजागर गरिएको थियो।