खस–आर्य कोटाबाट महाधिवेशन प्रतिनिधिमा रुपक धितालको उम्मेदवारी

सिन्धुपाल्चोक । नेपाली कांग्रेसको १५औँ महाधिवेशनअन्तर्गत सिन्धुपाल्चोक प्रतिनिधिसभा क्षेत्र नं. २ बाट खस–आर्य कोटातर्फ महाधिवेशन प्रतिनिधि पदमा रुपक धितालले उम्मेदवारी दिने भएका छन्।
२०४० सालमा जन्मिएका धितालले सिद्धि गणेश माध्यमिक विद्यालय, सानो सिरुवारीबाट प्राथमिक शिक्षा हासिल गरेका हुन्। उनी २०५२ सालमा नेपाल विद्यार्थी संघको इकाई सभापतिको जिम्मेवारी सम्हाल्दै कांग्रेसको सक्रिय राजनीतिमा प्रवेश गरेका थिए।
विद्यार्थी राजनीतिबाट कांग्रेसको राजनीतिमा सक्रिय हुँदै आएका धिताल हाल नेपाली कांग्रेस सिन्धुपाल्चोकका जिल्ला सदस्य छन्। उनी सिन्धुपाल्चोक उद्योग वाणिज्य संघको सल्लाहकार समितिका सचिवसमेत हुन्।
धितालको पारिवारिक पृष्ठभूमि पनि कांग्रेसको राजनीतिक आन्दोलनसँग जोडिएको छ। उनका पिता रविनाथ धिताल राजनीतिक आन्दोलनमा सक्रिय रहेका थिए। २०१५ सालको निर्वाचनमा नेपाली कांग्रेसबाट निर्वाचित माननीय चन्द्रलाल श्रेष्ठलाई निर्वाचित गराउन रविनाथ धितालले सक्रिय भूमिका निर्वाह गरेको पारिवारिक पृष्ठभूमि रहेको धितालले बताएका छन्।
लामो समयदेखि पार्टीको संगठन र राजनीतिक गतिविधिमा सक्रिय रहँदै आएका धितालले यसपटक खस–आर्य कोटाबाट महाधिवेशन प्रतिनिधि पदमा उम्मेदवारी दिने तयारी गरेका हुन्।