ज्योति विकास बैंकको नाफा १०५ प्रतिशतले वृद्धि, ९ महिनामा ६२ करोड कमाई
सारांश
- चालु आर्थिक वर्ष २०८२/८३ को तेस्रो त्रैमाससम्म ज्योति विकास बैंकको खुद नाफा १०५.
- ३० प्रतिशतले बढेर ६२ करोड ९४ लाख रुपैयाँ पुगेको छ।
- बैंकले सार्वजनिक गरेको अपरिष्कृत वित्तीय विवरण अनुसार गत आर्थिक वर्षको यही अवधिमा बैंकले ३० करोड ६६ लाख रुपैयाँ नाफा कमाएको थियो।
काठमाडौँ । चालु आर्थिक वर्ष २०८२/८३ को तेस्रो त्रैमाससम्म ज्योति विकास बैंकको खुद नाफा १०५.३० प्रतिशतले बढेर ६२ करोड ९४ लाख रुपैयाँ पुगेको छ।
बैंकले सार्वजनिक गरेको अपरिष्कृत वित्तीय विवरण अनुसार गत आर्थिक वर्षको यही अवधिमा बैंकले ३० करोड ६६ लाख रुपैयाँ नाफा कमाएको थियो।
नाफा बढेसँगै बैंकको प्रतिशेयर आम्दानी (ईपीएस) ९ रुपैयाँ ७९ पैसाले बढेर १९ रुपैयाँ ०९ पैसा पुगेको छ।
समीक्षा अवधिमा बैंकको सञ्चालन मुनाफा १०५.२७ प्रतिशतले बढेर ८९ करोड ९० लाख रुपैयाँ पुगेको छ भने इम्पेयरमेन्ट चार्ज ५२ करोड १६ लाख रुपैयाँबाट घटेर ११ करोड ८४ लाख रुपैयाँमा झरेको छ।
हाल बैंकको चुक्ता पूँजी ४ अर्ब ३९ करोड रुपैयाँ रहेको छ। बैंकले ६४ अर्ब ४९ करोड रुपैयाँ निक्षेप संकलन गर्दै ४७ अर्ब ९८ करोड रुपैयाँ कर्जा लगानी गरेको जनाएको छ।
बैंकको खराब कर्जा भने बढेर ७.८३ प्रतिशत पुगेको छ।
प्रतिक्रिया