काठमाडाैं । हिमालयन रिइन्स्योरेन्सको सञ्चालक समितिमा हेरफेर गर्दै नयाँ कार्यसमिति पुनर्गठन गरिएको छ।
कम्पनीको हालै बसेको सञ्चालक समितिको बैठकले तीन जना सञ्चालकको राजीनामा स्वीकृत गरेको हो। जसमा संस्थापक समूह ‘क’ बाट अमित मोर र समूह ‘ख’ बाट राजीव मोर तथा शुभेच्छा खरेलले पदबाट राजीनामा दिएका छन्।रिक्त पदहरूमध्ये समूह ‘क’ को कालिका फिन्कोर्पको तर्फबाट दिपककुमार मिश्रलाई नयाँ सञ्चालकका रूपमा नियुक्त गरिएको छ।
यस्तै, कम्पनीले स्वतन्त्र सञ्चालकको जिम्मेवारी आशीषचन्द्र न्यौपानेलाई सुम्पेको छ। नवनियुक्त दुवै सञ्चालकहरूको कार्यकाल आगामी वार्षिक साधारणसभासम्म रहने कम्पनीले जानकारी दिएको छ।
