काठमाडौँ ।
उपप्रधान एवं अर्थमन्त्री विष्णुप्रसाद पौडेलले ०८४ सालसम्म अर्को स्थिर शक्तिशाली सरकार बन्न नसक्ने बताएका छन् । बिहीबार ९भदौ १२० काठमाडौंमा आयोजित एक कार्यक्रममा उनले तत्काल अर्को सरकारको परिकल्पना नै गर्न नसकिने बताएका हुन् ।

वर्तमान सरकारले बजेट विनियोजनदेखि प्राथमिकतामा देखिएको विकृतिलाई निर्मम रूपमा सुधारेको उनले उल्लेख गरे । स्थिर सरकार भएकै कारण कानुनी सुधार गरिएको र लगानीकर्तामा समेत मनोबल बढेको उनको भनाइ छ ।“कांग्रेस–एमाले दुईवटा दलको शक्तिशाली सरकार छ ।

अहिलेको संसद्बाट योभन्दा शक्तिशाली सरकार बन्नै सक्दैन,” उनले भने, “२०८४ सम्म यो सरकारभन्दा अर्को स्थिर शक्तिशाली सरकारको परिकल्पना गर्न सकिन्न । स्थिर शक्तिशाली सरकार यही हो । यति बेला के काम गर्नुपर्ने भन्ने हिसाबले काम गरिएको छ ।”चालु आर्थिक वर्षको बजेट ल्याउँदा योजना बैंकबाट बाहिर रहेर नल्याइएको उनले जिकिर गरे ।