काठमाडौं, २१ चैत । नेपाल राष्ट्र बैंकको गभर्नर नियुक्तिमा सत्तारूढ दल नेपाली कांग्रेस र नेकपा (एमाले) बीच संघर्ष मच्चिएको छ। मन्त्रिपरिषद् बैठकले गभर्नर सिफारिसका लागि उपप्रधान एवं अर्थमन्त्री विष्णु पौडेलको अध्यक्षतामा एक समिति गठन गरेको थियो, जसले गभर्नरका लागि संभावित व्यक्तिहरूको अध्ययन गरिरहेको जनाएको छ। वर्तमान गभर्नर महाप्रसाद अधिकारीको पदावधि छिटै सकिने अवस्थामा रहेकोले प्रधानमन्त्री केपी शर्मा ओलीले थाइल्याण्ड भ्रमणबाट फर्केपछि गभर्नर नियुक्ति गर्न सक्ने तयारी गरिरहेको स्रोतले जनाएको छ।

गभर्नरको लागि प्रतिस्पर्धा चलिरहेको छ भने, नेकपा (एमाले)को तर्फबाट नीलम ढुंगाना र प्रकाशकुमार श्रेष्ठका नाम मुख्य दावेदारका रूपमा चर्चामा रहेका छन्। ढुंगाना राष्ट्र बैंकका डेपुटी गभर्नर रहिसकेका छन् भने श्रेष्ठ योजना आयोगका सदस्य हुन्।

नेपाली कांग्रेसको तर्फबाट भने ज्ञानेन्द्र ढुंगाना, गुणाकार भट्ट, रवीन्द्र पाण्डे र राजेन्द्रकिशोर क्षेत्रीका नाम चर्चामा छन्। ज्ञानेन्द्र ढुंगाना हालै नविल बैंकका सीइओबाट राजीनामा दिएका छन् र गभर्नरको दावेदारीमा रहेका छन्। राजेन्द्रकिशोर क्षेत्री भने पूर्वमुख्यसचिव हुन्। कांग्रेसबाट गभर्नरका लागि बलिय उम्मेदवारका रूपमा ढुंगाना र क्षेत्रीलाई लिने ढंगले चर्चा भइरहेको छ।

गभर्नरको नियुक्तिमा सरकारको आलोचना पनि भइरहेको छ, जहाँ उमेर हद हनन गरेर गभर्नर नियुक्तिका लागि नयाँ मापदण्डहरू लागू गरिएको छ। यसअघि राष्ट्र बैंकको गभर्नरको लागि उमेर हद ६५ वर्ष तोकिएको थियो।

गभर्नर नियुक्तिको लविङमा बालुवाटार र बुढानीलकण्ठका ठूला नेता र परराष्ट्रमन्त्री डा. आरजु राणा देउवा तथा कांग्रेस सांसद विनोद चौधरी सक्रिय छन्। अर्थमन्त्रीको संयोजकत्वमा रहेका सिफारिस समितिले ३ जनाको नाम मन्त्रीपरिषद्लाई सिफारिस गर्नेछ र सो रमा एक जनालाई गभर्नरको रूपमा नियुक्ति गर्न लेखाचिता गरिनेछ।

सत्तारूढ दल कांग्रेस र एमाले बीच गभर्नरको विषयमा चलिरहेको रसाकस्सीले राजनीतिक तापक्रमलाई झनै उच्च बनाएको छ, विशेष गरी कार्यकाल पूरा गरेर जान लागेको अधिकारी एमाले निकट भएको बताइन्छ