काठमाडौं । नेपाल स्टक एक्सचेन्ज ९नेप्से० मा नयाँ कारोबार प्रणाली कार्यान्वयनमा आएपछि लगानीकर्तामा उत्साहभन्दा बढी अन्योलता देखिएको छ। नयाँ प्रणालीलाई बजारले सकारात्मक रूपमा लिन नसकेको देखिएको छ। साताको दोस्रो कारोबार दिन पनि बजार घटेर बन्द भएको छ।
मंगलबार नेप्से परिसूचक १७।९१ अंकले घटेर २८०७।३१ विन्दुमा झरेको छ। अघिल्लो दिन पनि बजार करिब १३ अंकले घटेको थियो।
आज कुल ३४७ कम्पनीका ५ अर्ब ७७ करोड ४३ लाख रुपैयाँ बराबरको सेयर कारोबार भएको छ। बजारमा २१५ कम्पनीको सेयर मूल्य घटेको, ४८ कम्पनीको मूल्य बढेको र ६ कम्पनीको मूल्य स्थिर रहेको छ।
बजार समग्रमा घटे पनि केही कम्पनीका लगानीकर्ताले भने उल्लेख्य नाफा कमाएका छन्। सूर्यकुण्ड हाइड्रोपावर र पाल्पा सिमेन्ट को सेयर मूल्य करिब १५ प्रतिशतले बढ्दै सकारात्मक सर्किट लागेको छ। यस्तै शिखर पावर डेभलपमेन्ट कम्पनी र कर्पोरेट डेभलपमेन्ट बैंक को मूल्य पनि झन्डै १५ प्रतिशतले वृद्धि भएको छ। एशियन हाइड्रोपावर को सेयर मूल्य पनि १० प्रतिशतभन्दा बढीले बढेको छ।
कारोबार रकमका आधारमा सोलु हाइड्रोपावर शीर्ष स्थानमा रह्यो। यसको ३७ करोड ७ लाख रुपैयाँ बराबरको कारोबार भएको छ। त्यस्तै रिलायन्स स्पिनिङ मिल्स को ३० करोड १९ लाख रुपैयाँ बराबरको सेयर कारोबार भएको छ।
क्षेत्रगत सूचकतर्फ हेर्दा होटल तथा पर्यटन समूह मात्रै १।१६ प्रतिशतले बढेको छ। घटेका सूचकमध्ये अन्य समूहमा १।२७ प्रतिशत गिरावट सबैभन्दा धेरै देखिएको छ।
काठमाडौँ । नेपाली फ्रिल्यान्सर तथा डिजिटल उद्यमीहरूले अब विदेशमा काम गरेबापतको भुक्तानी सोझै ‘खल्ती बाइ आइएमई’ मोबाइल वालेटमा प्राप्त गर्न सक्ने भएका छन् ।
खल्तीले आइएमई लिमिटेड र विश्व प्रसिद्ध भुक्तानी प्रणाली ‘स्ट्राइप’ सँगको रणनीतिक साझेदारीमा यो नयाँ व्यवस्था मिलाएको हो ।
यस सेवाअन्तर्गत नेपालमा बसेर विदेशी सेवा व्यवसायमा काम गर्नेहरूले खल्ती एपबाटै ’भुक्तानी अनुरोध’ पठाउन सक्नेछन्। अन्तर्राष्ट्रिय कम्पनी तथा भुक्तानी प्रदायकहरूले स्ट्राइप गेटवेमार्फत भिजा, मास्टरकार्ड, एप्पल पे, गुगल पे, एसीएच र ई–बैंकिङ जस्ता विभिन्न माध्यम प्रयोग गरी सहजै भुक्तानी गर्न सक्नेछन् ।
यसरी गरिएको भुक्तानी नेपाली प्रयोगकर्ताको खल्ती वालेटमा तुरुन्तै (रियल–टाइम) जम्मा हुनेछ ।
यसअघि अन्तर्राष्ट्रिय भुक्तानी सङ्कलनमा देखिने समस्या र भुक्तानी पाउन हप्तौँ कुर्नुपर्ने झन्झटलाई यस साझेदारीले अन्त्य गरेको कम्पनीले जनाएको छ। यो प्रणाली सुरक्षित हुनुका साथै नियामकको मापदण्ड बमोजिम रहेको बताइएको छ ।
आइएमई खल्ती लिमिटेडका प्रमुख कार्यकारी अधिकृत प्रवीण रेग्मीले यो पहल नेपाली फिनटेक क्षेत्रमा एक महत्त्वपूर्ण कोसेढुङ्गा भएको बताए ।
उनका अनुसार यसले नेपाली डिजिटल प्रतिभा र उद्यमीहरूलाई विश्वव्यापी रूपमा कमाउन र सो रकम तत्काल प्राप्त गर्न सहज बनाउँदै नेपालको डिजिटल अर्थतन्त्र विस्तारमा ठुलो योगदान दिनेछ ।
काठमाडौँ । बेलायतका लागि नेपाली राजदूत रोब फेनले शिक्षा, विज्ञान तथा प्रविधि मन्त्री सस्मित पोखरेलसँग भेटवार्ता गरेका छन् ।
मङ्गलवार भएको भेटका क्रममा नेपाल–बेलायतबिच लामो समयदेखिको सम्बन्धलाई कसरी गहिरो र आधुनिक बनाउने भन्ने बारेमा छलफल भएको नेपालस्थित बेलायतको दूतावासले जनाएको छ ।
बेलायतले नेपालको सार्वजनिक क्षेत्रमा शैक्षिक नतिजा सुदृढ गर्न, निजी क्षेत्रका शैक्षिक विकल्पहरूको गुणस्तर र दायरा बढाउन तथा बेलायतमा अध्ययनरत नेपाली विद्यार्थीहरूको हेरचाह र सुरक्षामा थप सुधार गर्न ‘पूर्ण–दायराको शैक्षिक साझेदारी’ को प्रस्ताव गरेको छ ।’
काठमाडौँ । अटिजमसम्बन्धी चेतनाबाट व्यवहारिक कार्यान्वयनतर्फ केन्द्रित तीन दिने ‘विशेष शिक्षा तालिम र सेमिनार’ सोमबार सम्पन्न भएको छ । कार्यक्रम मुख्य आयोजक नेपाल एकेडेमी अफ साइकोलोजीको अग्रसरतामा मेन्टल हेल्थ नेपाल र स्कोप अफ होप फाउन्डेसन भारतसँगको सहकार्यमा आयोजना गरिएको हो ।
अटिजम एक विकासात्मक अवस्था हो, जसले व्यक्तिको सामाजिक अन्तरक्रिया, सञ्चार कौशल र व्यवहारमा विविधता ल्याउँछ । यसमा मुख्य रूपमा सामाजिक सञ्चारमा कठिनाइ आँखाको सम्पर्क कम हुनु, सामाजिक सङ्केत नबुझ्नु, सम्बन्ध विस्तार गर्न गाह्रो हुनु र दोहोरिने तथा सीमित व्यवहारजस्तै एउटै काम दोहोर्याउने, नियम पालनामा कडाइ, विशेष विषयमा अत्यधिक रुचि, सम्बन्धी संवेदनशीलतालगायत देखिन्छ ।
काठमाडौँ । महालक्ष्मी विकास बैंकले युनियनपे इन्टरनेशनलसँगको सहकार्यमा अन्तरदेशीय क्यूआर भुक्तानी सेवाको सुरुवात गरेको छ।
यस सेवा अन्तर्गत अब युनियनपे वालेट प्रयोगकर्ताहरूले नेपालभर रहेका महालक्ष्मी विकास बैंकका फोनपे क्यूआर मर्चेन्टहरूमा सहजै भुक्तानी गर्न सक्नेछन्।विशेष गरी चीन लगायत विभिन्न देशबाट नेपाल आउने पर्यटकहरूलाई लक्षित गरी सुरु गरिएको यस सुविधाले वैदेशिक पर्यटकहरूलाई नगद बोक्नुपर्ने झन्झटबाट मुक्ति दिने र डिजिटल भुक्तानीलाई थप प्रभावकारी बनाउने बैंकले विश्वास लिएको छ।
साथै, बैंकले वर्ष २०८१ लाई ‘डिजिटल प्रवद्र्धन वर्ष’ को रूपमा मनाउने योजना अनुसार आफ्ना मोबाइल बैंकिङ प्रयोगकर्ताहरूका लागि विशेष योजना पनि सार्वजनिक गरेको छ।
‘महालक्ष्मी स्मार्ट साथी’ एपमार्फत वैशाख महिनाको पहिलो हप्तामा कम्तीमा एउटा सफल कारोबार गर्ने ग्राहकहरूमध्ये गोलाप्रथामार्फत तीन जनाले आकर्षक भ्रमण प्याकेज प्राप्त गर्न सक्नेछन्।
हाल देशभर १०३ शाखामार्फत ८ लाख ५० हजारभन्दा बढी ग्राहकहरूलाई सेवा दिइरहेको बैंकले डिजिटल बैंकिङलाई थप सुरक्षित र समावेशी बनाउँदै लैजाने प्रतिबद्धता जनाएको छ।
काठमाडौं । सरकारले समस्याग्रस्त सहकारी व्यवस्थापन समितिको अध्यक्षमा डिल्लीराज आचार्यलाई नियुक्त गरेको छ ।
मंगलबार सिंहदरबारमा बसेको मन्त्रिपरिषद् बैठकले उक्त निर्णय गरेको हो । बैठकले समितिको सदस्यमा नवराज सिम्खडा र रोशनबहादुर शाक्यलाई मनोनयन गर्ने निर्णय पनि गरेको छ । यसबारे सञ्चार तथा सूचना प्रविधिमन्त्री डा। विक्रम तिमिल्सिनाले जानकारी दिनुभएको हो ।
त्यसैगरी बैठकले नेपाल धितोपत्र बोर्डको अध्यक्ष नियुक्तिका लागि सिफारिस समिति पनि गठन गरेको छ । उक्त समितिको संयोजकमा राष्ट्रिय योजना आयोगका उपाध्यक्ष डा। गुणाकर भट्ट रहनेछन् भने अर्थ मन्त्रालयका सचिव डा। घनश्याम उपाध्याय र भूवनकुमार दाहाल सदस्य रहनेछन् ।
सरकारले थप तीन वटा विधेयक संघीय संसदमा पेस गर्न स्वीकृति पनि दिएको छ । जसअनुसार नेपाल विशेष सेवा ऐन, २०४२ लाई संशोधन गर्न बनेको विधेयक, प्रतिनिधि सभा सदस्य निर्वाचन ऐन, २०७४ लाई संशोधन गर्न बनेको विधेयक तथा मतदाता ऐन, २०७३ लाई संशोधन गर्न बनेको विधेयक संसदमा पेस गरिने भएको छ ।
काठमाडौं, ८ वैशाख । राष्ट्रिय स्वतन्त्र पार्टीका सभापति रवि लामिछाने लाई सांसदको रूपमा कामकारबाही गर्न रोक लगाउन माग गर्दै नेपालको सर्वोच्च अदालत मा रिट निवेदन पेस गरिएको छ।
अधिवक्ता आयुष बडाल लगायतले सम्पत्ति शुद्धीकरणसम्बन्धी मुद्दा विचाराधीन रहेको अवस्थामा सार्वजनिक पदमा रहेका लामिछाने स्वतः निलम्बनको अवस्थामा रहने भएकाले उनलाई सांसदको रूपमा कामकाज गर्न नदिन आदेश जारी गर्न माग गरेका छन्।
तीन दिनअघि पेस गरिएको उक्त रिट निवेदन सर्वोच्च अदालत प्रशासनले अहिलेसम्म दर्ता गरेको छैन। रिट दर्ता नहुने भए दरपीठ आदेश दिनुपर्ने कानुनी व्यवस्था भए पनि हालसम्म उक्त निवेदन न दर्ता भएको छ, न त दरपीठ आदेश नै जारी भएको छ।
सर्वोच्च अदालत स्रोतका अनुसार उक्त रिट निवेदनबारे माथिल्लो तहमा जानकारी गराउनुपर्ने भएकाले हाल रोकिएको अवस्थामा राखिएको छ।
यसअघि अघिल्लो सरकारले पूर्वगृहमन्त्री समेत रहेका लामिछानेविरुद्ध लगाइएको सम्पत्ति शुद्धीकरण तथा संगठित अपराधसम्बन्धी अभियोग संशोधन गरेको थियो। सो संशोधनविरुद्ध परेको रिट निवेदन सर्वोच्च अदालतको पूर्ण इजलासमा विचाराधीन रहेको छ।
उक्त मुद्दाको पेसी आउँदो बिहीबारका लागि तोकिएको छ।
काठमाडौँ । गृहमन्त्री सुधन गुरुङ राष्ट्रिय स्वतन्त्र पार्टीका सभापति रवि लामिछानेलाई भेट्न बूढानीलकण्ठ पुगेका छन्।
व्यापारी दीपक भट्टसँग गृहमन्त्री गुरुङको व्यापारिक साझेदारी रहेको तथ्य सार्वजनिक भएपछि उनी विवादमा तानिएका छन्। भट्टको स्टार माइक्रो इन्स्योरेन्स कम्पनी लिमिटेडमा गुरुङको करिब २५ लाख रुपैयाँ बराबरको सेयर रहेको समाचार सार्वजनिक भएसँगै भट्टसँग उनको सम्बन्धबारे चर्चा सुरु भएको हो।
हाल सम्पत्ति शुद्धीकरण अनुसन्धान विभागको थुनामा रहेका व्यापारी भट्टसँग गृह
मन्त्रीको कनेक्सन देखिएपछि राष्ट्रिय स्वतन्त्र पार्टीभित्र पनि तरंग उत्पन्न भएको बताइएको छ।
यो विषय सार्वजनिक भएसँगै गृहमन्त्री गुरुङमाथि नैतिकताको आधारमा राजीनामा दिनुपर्ने आवाज उठ्न थालेका छन्। सामाजिक सञ्जालमार्फत उनले लघुबीमा कम्पनीमा गरेको सेयर लगानी ऋणमार्फत लिएको भन्दै स्पष्टीकरण दिएका छन्।
तर उक्त सेयर लगानी सम्पत्ति विवरणमा नदेखिएको भन्दै उनको आलोचना भइरहेको छ।
यसैबीच विकसित राजनीतिक परिस्थितिबारे छलफल गर्न गृहमन्त्री गुरुङ र रास्वपा सभापति लामिछानेबीच भेटवार्ता भएको बताइएको छ।
काठमाडौं । हर्क साम्पाङ राई ले सुकुमबासी तथा फुटपाथका व्यवसायीमाथि राज्यले अमानवीय व्यवहार गरिरहेको भन्दै सरकारको ध्यानाकर्षण गराएका छन्। श्रम संस्कृति पार्टी का अध्यक्षसमेत रहेका उनले आज आयोजित पत्रकार सम्मेलनमा नागरिकलाई गरिखाने वातावरण सुनिश्चित गर्न सरकारसँग आग्रह गरे।
उनले नागरिकलाई जीवनयापनका लागि व्यवसाय गर्न पाउनु नै पहिलो अधिकार भएको बताउँदै राज्यले दमनको बाटो नअपनाउन चेतावनी दिए। साम्पाङले भने, “सरकारलाई सल्लाह दिन चाहन्छु, नागरिकलाई कहिले घाँटीमा न्याँकेको देखिन्छ, घोक्राइमुन्टाइ गर्दै गरेको देखिन्छ। शान्ति–सुरक्षा केन्द्र सरकारको मातहतमा छ, यस्तो व्यवहार नगरौँ।”
उनका अनुसार काठमाडौंको रत्नपार्क क्षेत्रमा साँझको समयमा व्यापार गर्दै आएका साना व्यवसायीलाई धपाइँदा उनीहरू मर्कामा परेका छन्।
साम्पाङले सबैभन्दा पहिले मानिसको भात खाने अधिकार हुने उल्लेख गर्दै राज्यले विकल्प नदिई व्यवसाय गर्न रोक लगाउनु उचित नभएको बताए। “मान्छेले भात खानका लागि व्यवसाय गरिरहेको हुन्छ। यदि व्यवसाय गर्न नदिने हो भने त्यसको विकल्प दिनुपर्छ। काम गरेर खान नदिएपछि के गर्ने ? भोक लागेपछि पेटले नियम मान्दैन, त्यसले मानिसलाई आपराधिक गतिविधितर्फ धकेल्न सक्छ,” उनले भने।
त्यस्तै, पशुपतिनाथ मन्दिर क्षेत्रमा डोजर चलाइएपछि एक परिवार पुलमुनि बस्न बाध्य भएको उल्लेख गर्दै उनले राज्यले त्यस्ता परिवारको व्यवस्थापन गर्नुपर्ने बताए।
गाँस, बास र कपास नागरिकको मौलिक हक भएको उल्लेख गर्दै उनले राज्य जनताको सारथि बन्नुपर्ने धारणा राखे। “जनताभन्दा हामी ठूलो हुँदैनौँ। जनताले भोट दिएर प्रधानमन्त्री र गृहमन्त्री बनाएका हुन्। पुलमुनि बसिरहेको परिवार कहाँ बस्ने ? राज्यले व्यवस्थापन गर्न सकेन भने राज्य असफलताको बाटोमा जान्छ,” साम्पाङले भने।
काठमाडौं । त्रिभुवन अन्तर्राष्ट्रिय विमानस्थलमा पूर्वाधार निर्माण कार्य तीव्र पार्न दैनिक राति ७ घण्टा उडान तथा अवतरण बन्द गरिने भएको छ । विमानस्थलको टर्मिनल व्यवस्थापन महाशाखा प्रमुख इन्दुराज अधिकारीका अनुसार आगामी जेठ ४ गतेसम्म प्रत्येक दिन राति ११ः४५ बजेदेखि बिहान ६ः३० बजेसम्म ‘पेभमेन्ट कन्स्ट्रक्सन वर्क’ सम्पन्न गर्न विमानस्थल बन्द रहने भएको हो ।
विमानस्थल कार्यालयद्वारा जारी सूचनामा निर्माण कार्य छिटो सम्पन्न गर्न यो निर्णय गरिएको उल्लेख छ । हाल धावनमार्ग छेउको ट्याक्सीवे क्षेत्रमा निर्माण कार्य भइरहेकाले सुरक्षाका कारण रातिको समयमा पूर्ण रूपमा उडान सञ्चालन रोक्न लागिएको जनाइएको छ ।
यस अवधिमा यात्रु तथा उडान व्यवस्थापनमा पर्न सक्ने असरलाई ध्यानमा राख्दै विमानस्थल कार्यालयले सबै हवाई सेवा प्रदायक कम्पनीहरूलाई आवश्यकताअनुसार आफ्नो उडान तथा अवतरण तालिका समायोजन गर्न आग्रह गरेको छ ।
नेपालको एक मात्र व्यस्त अन्तर्राष्ट्रिय विमानस्थलका रूपमा रहेको त्रिभुवन अन्तर्राष्ट्रिय विमानस्थलमा पछिल्लो समय यात्रु चाप बढ्दै गएकाले पूर्वाधार विस्तार र स्तरोन्नति आवश्यक देखिएको छ । यही आवश्यकतालाई ध्यानमा राख्दै रनवे, ट्याक्सीवे तथा टर्मिनल क्षेत्रको सुधार कार्य अघि बढाइएको विमानस्थल कार्यालयले जनाएको छ ।