मेलम्ची ।
मेलम्ची नगरपालिका वडा नम्बर १० मा दोस्रो वडास्तरीय अध्यक्ष कप पुरुष भलिबल प्रतियोगिता हुने भएको छ। वडा नम्बर १० को आर्थिक सहयोग तथा वडास्तरीय भलिबल प्रतियोगिता सञ्चालन समिति को आयोजनामा विजयादशमीको अवसर पारेर गरिन लागेको प्रतियोगिता शीतलादेवी माध्यमिक विद्यालयको प्राङ्गणमा हुने आयोजकले जनाएको छ।
यही असोज १० गतेदेखि १२ गतेसम्म तीन दिन चल्ने प्रतियोगितामा प्रथम हुने टोलीले २० हजार नगदसहित ट्रफी मेडल र प्रमाणपत्र प्राप्त गर्ने कार्यक्रम संयोजक प्रल्लाद ढुंगेलले जानकारी दिए।
त्यस्तै दोस्रो र तेस्रो हुनेले क्रमश १५००० र १० हजार नगद सहित ट्रफी मेडल र प्रमाणपत्र प्राप्त गर्ने पनि उहाँले जानकारी दिए।
असोज १२ गते सम्पन्न हुने उक्त प्रतियोगितामा मेलम्ची नगरपालिकाका प्रमुख आइतमान तामाङ उपप्रमुख उमा प्रधान वडा अध्यक्ष अमृत खनाल लगायत वडाका जनप्रतिनिधिहरुको उपस्थितिमा राष्ट्रिय स्तरका कलाकारहरू प्रदीप रोक्का प्रतिमा अर्याल तथा निमेश दाहाल र स्थानीय कलाकारहरूको सांगीतिक प्रस्तुति रहने आयोजक ले जनाएको छ ।
